સર્ચ એંજીન કંપની ગુગલ વડે હાલમાં Verified Calls ફીચર જાહેર કરવામાં આવ્યું છે. જેને ગુગલ ફોન એપનો એક ભાગ બનાવવામાં આવ્યો છે. ગુગલનું આ ફિચર યુઝરને જણાવશે કે કોણ કોલ કરી રહ્યું છે અને તેનો ફોન કરવાનું કારણ સાથે કોલરનો લોગો પણ દર્શાવશે. ફ્રોડ કોલ્સથી લોકોને બચાવવા માટે આ ફિચર ગુગલ વડે તૈયાર કરાયું છે. આ ફિચર TrueCaller એપને સીધી ટક્કર આપવાની સંભાવના ધરાવે છે.
આ ફિચરમાં ગુગલ વડે વેરીફાઈ થયેલા વેરીફાઈડ બેચ પણ નંબર પર જોવા મળશે.શરુઆતના તમામ પરીક્ષણોના પરિણામો ખૂબ સારા રહ્યાં છે. હાલમાં આ ફિચર ભારત, સ્પેન, બ્રાઝિલ, મેક્સિકો અને અમેરિકા સહિત દુનિયાભરમાં રોલ આઊટ કરવામાં આવશે.